• Gat pantað tíma með skömmum fyrirvara
  
• Fínt spjall við klipparann
• Nóg af stæðum
   

• Vatnið í hárþvottinum alltof heitt
• Nuddið frekar lélegt, virkaði vélrænt
• Hálsmálið fyllt af hárum (rakvélablöðum)
  
  

Einkunnagjöf: 

Janúar:
Árið hófst á mjög svo skemmtilegan máta, ég og Helga vorum heima hjá foreldrum mínum yfir áramótin og áttum þar alveg yndislegan tíma með mömmu, pabba, Dagnýju og ömmu. Þessi tími átti eftir að reynast enn dýrmætari fyrir þær sakir að hún amma mín féll frá skömmu síðar, guð blessi minningu hennar. En þrátt fyrir svona sorgartíma þá var líka margt gott og jákvætt í þessum mánuði. Þar ber helst að nefna að ég og Helga fórum með strákana til London, höfðum gefið þeim þessa ferð í jólagjöf. Algjörlega ógleymanleg ferð :). Annað merkilegt sem gerðist er að Heath Ledger lést í mánuðinum og borgarstjórnin féll enn einu sinni.

Febrúar:
Það var nú ekki mikið sem að gerðist í febrúar enda stuttur mánuður og bara skammdegisþunglyndið sem að fólk nennir að hugsa um. En það fá sem gerðist var að Vörusjá bauð mér á ráðstefnuna RIMC á Hótel Nordica. Mjög svo skemmtilegt og fræðandi. Einnig bauð ég henni Helgu út að borða á Valentínusardaginn á Geysir Bistro, vorum svo leist út þaðan með gjöfum og blómum :). Helga sannað það að Valentínusardagurinn er ekkert bara fyrir konurnar þvi að hún kom til mín í vinnuna og við kíktum út að borða í hádeginu, ekki nóg með að hún hafi borgað heldur gaf hún mér líka pakka, glæsilega borvél handa manninum sínum ;). Ég var víst í einhverjum mjög miklu nostalgíukasti þarna í febrúar, var mikið að skoða gamlar myndir af sjálfum mér og foreldrum mínum. Skírist kannski af því að það var farið að styttast í að ég yrði foreldri sjálfur ;)

Mars:
Eitt skemmtilegt gerðum við í mars. Við fórum með strákana niður að tjörn að gefa öndunum. Þetta er í sjálfu sér ekkert svo merkilegt en það merkilega er að í gær, daginn áður en ég skrifa þessa færslu þá fórum ég og Helga aftur niður að tjörn að gefa öndunum. Greinilega eitthvað sem segir okkur að fara að gefa öndunum alltaf í mars :). Við Helga skelltum okkur líka í 3-D sónar þar sem að við fengum að sjá hana Ingu Maríu (sem var að vísu ekkji búin að fá það nafn þá) í þrívídd, fengum meira að segja smá video af henni, alveg ótrúlega gaman. Ég skellti mér líka í óvænta heimsókn til Dagnýjar útí Köben. Kom henni algjörlega á óvart, eyddum svo nokkrum dögum saman að versla, fara út að borða og bara hafa það gaman. Um miðjan mánuðinn fékk ég svo úraboxið mitt sem ég er mjög stoltur af og ánægður með. Það er heldur betur mikið sem gerðist þennan mánuðinn, því að þegar ég kom heim frá Köben þá tjáði Helga mér að við værum að fara að flytja saman í nýja íbúð í Skólatúni 4 (úr Skólatúni 6). Undir lok mánaðarins komu svo páskarnir og voru strákarnir hjá okkur Helgu og gistum við á Sogaveginum og leituðum að öllum páskaeggjunum. Heilt á litið alveg ótrúlega viðburðaríkur mánuður :)

Apríl:
Heldur betur hægt að segja að apríl hafi algjörlega tekið við þar sem að mars hætti, því strax í byrjun apríl þá fluttum við Helga og strákarnir saman yfir í Skólatún 4. Ég hóf sem sagt sambúð og futti að heima allt bara í einu, kviss bamm búmm.... en eftir það fór lífið nú aðeins að róast. Við buðum að vísu mömmu minni og pabba í mat svona til að þakka þeim fyrir aðstoðina við fluttningana en þess fyrir utan þá var apríl nú bara nokkið rólegur mánuður. Að því fráskyldu að Bjarki Flóvent átti náttúrlega afmæli 13. Apríl og varð sá stutti 7 ára gamall :)

Maí:
Það er alveg klárt að þessi mánuður stendur uppúr á þessi merkilega ári. Það var nefnilega í maí sem að United vann ensku deildina og meistaradeildina...... hehe nei ég er nú bara aðeins að grínast. Klárlega stendur það uppúr að litla prinsessan leit dagsins ljós þann 25. Maí. Alveg ótrúlegt hvað svona lítill hlutur getur breytt lífi manns á vegi sem maður hefði aldrei getað látið sér detta í hug. Það tekur því í raun ekkert að minnast á neitt annað í þessum mánuðu því að það fölnar allt í samanburði við þennan merkisviðburð.

Júní:
Ein lítil stúlka hlaut nafn í þessum mánuði (örugglega verið fleiri en ég ætla bara að minnast á eina) en það var hún Inga María Daníelsdóttir Norðdahl. Ekki nóg með að litla prinsessan hafi fengið svona fallegt nafn heldur fékk pabbi hennar líka fallegt grill í sama mánuði ;) Mánuðurinn endaði svo á því að ég skellti mér með strákana á Blöndós þar sem að Bjarki Flóvent var að keppa, við vorum búin að leigja svaka fínan bústað og var þetta alveg einstaklega skemmtileg ferð. Eina leiðinlegt var að Helga og Inga María komust ekki með okkur þar sem að Helga var orðin mjög veik eftir fæðinguna. Það átti heldur betur eftir að draga dilka á eftir sér.

Júlí:
Ég hóf mánuðinn á því að setja heimsmet, var einn af þeim sem að download-uðu nýjustu útgáfunni af Mozilla Firefox og settum þar með heimsmet í download-i á einu forriti á einum degi. Fékk meira að segja viðurkenningarskjal og allt saman ;). Inga María komst svo líka í blöðin þennan mánuðinn, við helga sendum nefnilega mynd af henni í tilkynningu yfir nýbakað foreldra í Mogganum :) Við eyddum svo bara mánuðinum í notalegheitum, buðum fólki í innfluttningspartý og eyddum smá tíma uppí bústað svona til að reyna að njóta sumarsins aðeins :)

Ágúst:
Ég og Helga hófum mánuðinn á því að fara uppí bústað til mömmu og pabba um verslunarmannahelgina. Þar var mikið borðað og sungið og horfðum á pabba kveikja í brennunni, alltaf gaman af góðum brennum. Við buðum svo frændum og frænkum hennar Helgu, öðru nafni Dönunum, í mat til okkar um miðjan mánuðinn. Merkilegt hvað við vorum dugleg að bjóða fólki til okkar í mat. Fátt annað markvert gerðist í ágúst fyrir utan það að ég átti afmæli og varð 28 ára og Ísland vann silfur á ólympíuleikunum. Gerist þetta tvennt ekki á hverju ári hvort eð er ;)

September:
Við skelltum okkur í þrítugs afmæli hjá Ingu Mæju vinkonu hennar Helgu alla leið útí Grindavík. Aldrei áður keyrt svona langt til að fara í afmæli. Verð að viðurkenna að þar sem að ég bloggaði svo lítið í þessum mánuði fyrir ári síðan að þá veit ég ekkert hvað gerðist. Ég var bara í vinnunni og þetta venjulega. Eitt gerðist þó og það er að brotist var inn í bílinn hjá mér. Vaknaði einn morguninn og þá var búið að dúndra risastóru grjóti í gegnum farþegarúðuna að framan. Einstaklega leiðinlegt að vakna og koma að bílnum sínum í svona ástandi.

Október:
Það var í þessum mánuði sem að allt byrjaði að fara til fjandans. Allt bankakerfið á Íslandi hrundi eins og spilaborg, já og reyndar víðar um heiminn. Skrítið að vera að skrifa þetta núna í dag þar sem að enn einn íslenski bankinn var að hrynja einmitt í dag. En það voru nú svo sem jákvæðir punktar í þessu öllu, ber þar kannski helst að nefna að ég eignaðist minn fyrsta jeppa. Reikna með að þetta hafi bara verið sá fyrsti af mörgum sem maður eigi eftir að eignast yfir ævina. Ekki nóg með að ég hafi eiginast jeppa, sem er mun hentugri fyrir mann með 5 manna fjölskyldu heldur tókst mér líka að losna við bílinn minn og skemmtilega myntkörfulánið sem var á honum, ekki slæmt það. Það var einmitt líka í október sem að hún mamma mín varð sextug og var ég búinn að vera að gæla við gjöf handa henni nokkurn tíma. Lét svo verða af því og fékk ekki ómerkari einstaklinga með mér í lið en hana Nadiu úr Innlit/útlit. Ég fékk nefnilega þá hugmynd að breyta gamla herberginu mínu í listastúdíó fyrir hana mömmu mína. Innlit/útlit tók þetta svo upp og notaði í þættinum. Get alveg sagt að þetta kom mikið á óvart og vakti mikla lukku og kátínu. Helga mín varð svo þrítug í lok mánaðarins þannig að það var heldur betur mikið um stórafmæli í október. Í tilefni af afmælinu hennar þá bauð ég henni út á land, fórum á hótel hvolsvöll og gistum þar og höfðum það voðalega kósí. Alltaf gott að komast aðeins frá og fá frí frá þessum dásamlegu börnum okkar, aðeins að hlaða batteríin.

Nóvember:
Maður var víst í frekar miklu „fríi" þennan mánuðinn þannig að það kom sér vel að haft var samband við mig um að taka upp auglýsingu uppí bústað. Hafði ég því alveg tíma til að sjáum það og fá vel borgað fyrir. Við Helga buðum enn einu sinni fólki uppí bústað að borða með okkur, Óli og Guðrún urðu fyrir valinu þetta skiptið og daginn eftir þá bauð ég Óla og Patta að koma mér mér, BJ og BF í smá fjallgöngu og enda svo í pottinum. Alveg einstaklega skemmtilegur dagur. Ég bauð svo strákunum úr V1 heim í Skólatúnið um miðjan mánuðinn, alltaf gaman að hitta þessa menn og við plönuðum að taka svaka hitting næsta sumar. Hlakka mikið til.

Desember:
Við skelltum okkur á jólaball hjá Lions með pabba og mömmu, annað árið í röð sem að við förum með þeim á þetta jólball. Þetta var ekki eina veislan sem að við fórum í því að mamma hennar Helgu bauð okkur, Hörpu, Óla og Guðrúnu með sér á Rauðará á jólahlaðborð. Aldeilsi að það var dekstrað við mann þarna um jólin. Árið endaði svo á viðeigandi hátt eða með miklum þeytingi. Við fórum í áramótagraut til mömmu og pabba á Sogaveginn, fórum svo heima að gera okkur sæt og fín til að mæta í mat til tengdó í Garðabænum, eftir það var brunað aftur út á Álftanes á brennu svo aftur í Garðabæinn að ná í IM svo á Sogaveginnn þar sem að dessertinn var borðaður og horft á skaupið. Skutum svo upp nokkrum rakettum og enduðum árið með því að fara heim á Áltanes og sofnuðum saman á heimilinu okkar :)

Heilt á litið þá var þetta ár ansi viðburðar ríkt og fullt af stórskemmtilegum viðburðum og alveg hreinar línur að þetta ár mun ekki gleymast í náinni framtíð.
Takk kærlega fyrir mig
 

Segir Daníel Tryggvi sem..... dró það ansi lengi að koma með þetta áramótablogg